Apirila 2024
Ondoren, apirilan burutuko ditugun jardueren eskaintza aurkituko duzu. Informazio gehiago behar baduzu, jar zaitez gurekin harremanetan, lasai asko. Parte hartzera animatu!
1- "La Palmera de Débora" emakume migratuen taldea:
Topaketa-talde irekia da, non herrialde eta kultura ezberdinetako emakumeak elkar ezagutzeko, esperientziak partekatzeko, hainbat gai jorratzeko... biltzen diren, migrazioan ibilbide luzea eta eskarmentu handia duten profesionalek lagunduta.
Bi astean behin egiten den jarduera da, larunbatetan, 16:30etatik 19:00etara. Martxoan, topaketa egunak hilaren 6an eta 27an izango dira.
2- Yoga Tailerra:
Aurreneko saioa apirilaren 6an izango da, 16:30-18:00 ordutegian. Parte hartu nahi duen orori irekita dago.
3- Familia-Konstelazioen Tailerra:
Talde-espazio bat da, egoera bati beste begirada bat ematea ahalbidetuko duen informazioa modu plastikoan ikusaraziko duten alderdiak landu ahal izateko.
Ikasturte honetarako lau tailer daude programatuta. Aurrenekoa apirilaren 13an izango da, 10:00-13:30 eta 15:00-17:00 tarteetan.
Jarduera honen prezioa 50 eurokoa da (Elkarteak, arrazoi ezberdinengatik kostuari aurre egiterik ez dutenei, parte-hartzea erraztuko die) eta nahi duen orok har dezake parte aurrez izena emanda.
4- Isilune Zirkulua:
Etorkinei eta errefuxiatuei elkartasuna adierazteko elkarretaratze isila. Gipuzkoa Plazan, 19:30etatik 19:45era, hileko hirugarren asteazkenetan. Martxoaren 21ean izango da.
Gure zirkulua gero eta handiagoa izan dadin behar dugu... lagunduko diguzu?
5- "Kontu- Kontari":
Atal honen helburua giza-errealitate ezberdinak azaleratzea da, eta haien inguruan sentikortzen eta kontzientzia hartzen laguntzea. Injustiziak salatzeko eta gizarte justuago eta gizatiarrago baten aldeko ekimenak babesteko dugun bozgorailua da.
Urteko hilabete bakoitzean data seinalatuak daude; nazioarteko edo munduko..... egunak. Hilabete bakoitzean, data horietako batean zentratuko gara, eta gaiaren inguruko ikuspegia eta hausnarketa ekarriko digun pertsona esanguratsu bati egindako elkarrizketaren bitartez helduko diogu aipatu gaiari.
Apirilaren 26an, Txernobylgo Hondamendia Gogorarazteko Nazioarteko Eguna dela eta, gure webguneko Kontu-Kontari atalean gaian aditua den pertsona bati egindako elkarrizketa bat argitaratuko da Ez ahaztu gure webgunea bisitatzea!
6- Irteera Kulturala:
Apirilaren 28an ikasturteko bigarren irteera kulturala burutuko da eta Azpeitiara joango gara.
Irteera hau Elkartearen lagunentzat da soilik.
7- Laguntza Psikoemozionala:
Zerbitzu hau zaurgarritasun egoeran dauden pertsonei eta, batez ere, gazte eta heldu migratuei -beraien migrazio-ibilbidea eratzen laguntzeko- zuzentzen zaie.
Saioak asteazken eta ostegunetan egingo dira, aurrez hitzordua hartuta eta hasierako balorazio baten ondoren betiere.
8- Terapia Sistemikoko kontsulta:
Kontsulta hau gatazkaren bat konpondu nahi duenarentzat zein zenbait arlo landu nahi dituenarentzat gune bat da, bai bakarka bai taldean, begirada berri batetik abiatuz.
Astearte goizetan eta ostegun arratsaldetan artatuko da, aurrez hitzordua hartuta.
9- Egin zaitez FISCeko Boluntario:
Zurekin batera aztertuko dugu zein jarduera egin dezakezun gurekin, zure aukeren eta lehentasunen arabera. Zure laguntzaren ondoriozko eskertzaz gain, boluntario izateko prestatzen zaitugu.
