Urtea joan eta urtea etorri, denbora eta lana beren borondatez eskaintzen duten pertsonei esker, OnDoaN Topaguneak hazten eta biziz betetzen jarraitzen du, bai eta jarduera eta baliabideen eskaintza geroz eta aberatsagoa plazaratzen.
Ondoren, Elkartearen Lan-Taldea osatzen duten pertsonak aurkezten dizkizugu, eta haien eginkizuna, ahaztu gabe, Taldearen atzean, ezinbestekoak diren eginkizunak burutzen dituzten pertsona boluntario gehiago daudela.
Arantza Odriozola
OnDoaN Topagunea Elkarte Sozioedukatiboaren lehendakaria
Terapeuta Sistemikoa OnDoaN Topagunean eta Loiolaetxean. Familia Konstelazioen eta Kontenplazio Denboren tailerretan bideratzaile bezala aritzen da. Elkartearen koordinazio orokorraz arduratzeaz gain.
Sonia Blanco
OnDoaN Topaguneko teknikaria
Zentroak eskaintzen dituen programa ezberdinak abian jartzen eta haien jarraipena egiten zein haien inguruko informazioa prestatu eta zabaltzen dihardu.
Pedro Odriozola
OnDoaN Topagunea Elkarte Sozioedukatiboaren administraria.
Ekonomia eta Enpresa Zientzietan lizentziatua, auditorea eta kontabilitate aditua da. Sozietate pribatuekin eta erakunde publikoekin lankidetzan aritzen da, aholkularitza emanez eta kudeaketaren hainbat alderdiri buruzko ikastaroak emanez.
Boluntario gisa lan egiten du, aholkulari gisa eta elkartearen administrazio-lanak eginez.
Xabier Ariznabarreta
Aisialdia Arloaren arduraduna
Lanbide Heziketako irakaslea eta OnDoaN Topaguneko bolondresa. Mendia sakonki maite eta ezagutzen du, eta gure txangoak gidatuko ditu.
Elkartearentzat egin beharreko itzulpen (euskaratze) lanetaz arduratzen da.
Paula Muro
Elkarteak duen Emakumeen Harrera-Etxebizitzaren zein "La Palmera de Débora" taldearen arduraduna.
Bazterkeriaren munduan eskarmentu handia duen hezitzailea, egun Loilaetxean aritzen da boluntaio gisa. Emakume talde honen topaketak lagunduko ditu, hala nola egoiliarren jarraipenak egingo .
Inma Gamazo
"La Palmera de Débora" taldearen arduraduna.
Zuzenbidean lizentziatua, FISC-ONGD-n boluntariotza zereginak burutzen ditu, baita OnDoaN Topagunean eta Loiolaetxean ere.
Emakume talde honen bilerak laguntzen ditu.
Elena Etxeberria
FISC EUSKAL HERRIAren Administraria.
Donostiako Mariaren Lagundiko ikasle ohia, Zuzenbide Zientzietan lizentziatue, gaur egun bankuen sektorean dihardu.
OnDoaN Topagunearekin lankidetzan aritzen da formakuntzaren eta solidaritatearen arloko jarduerak aurrera eramaten.
Isabel Azula
FISC EUSKAL HERRIaren Ordezkaria
Bergarako Mariaren Lagundiko Ikastolako irakaslea. FISC EUSKAL HERRIAko boluntario gisa esperientzia sendoa du, eta bere hastapenetatik da bertako kide.
OnDoaN Topagunearekin lankidetzan aritzen da formakuntzaren eta solidaritatearen arloko jarduerak aurrera eramaten.
Belen Abarzuza
FISC EUSKAL HERRIAren Idazkaria.
Bergarako Mariaren Lagundia Ikastolako irakasle erretiratua. Aita Donostia abesbatzean garatzen duen musika-alderdia FISC Euskal Herrian egiten duen boluntario lanarekin (bere sorkuntzatik) uztartzen du.
OnDoaN Topagunearekin lankidetzan aritzen da formakuntzaren eta solidaritatearen arloko jarduerak aurrera eramaten.
Maria Eugenia Iparragirre
Elkarteko Genero Formakuntzako arduraduna.
Mariaren Lagundiak Irunen duen El Pilar Ikastetxeko ikasle-ohia eta irakasle-ohia. Egun, Kristau Eskolako zuzendari orokor bezala burutzen du bere jardun profesionala.
Genero alorreko formakuntza buru gisa "La Palmera de Débora" emakume taldearen zenbait topaketetan lagunduko du.
Yevheniia Kulias
"Kontu-Kontari" atalaren arduraduna
Administrazio eta Finantzetako goi-mailako ziklo batean graduatua. Gaur egun, eginkizun administratiboak garatzen ditu enpresa teknologiko batean eta enpresaren hainbat jardueratan parte hartzen du.
Gure web-orriko Kontu-Kontari ataleko buru bezala burutzen du bere boluntariotza jarduera.
Mónica Zanolli
Pertsona migratuen laguntza psikoemozionalaren arduraduna.
Arte eta literatura irakaslea. Gestalt Terapian eta Sistemikoan, Bach Sistema Floral Terapian, Psikopedagogia Sistemikoan, Eneagrama Sufian eta Sufismoan eta Korporalitatean trebatua.
Coro Elizalde
Yoga Tailerraren arduraduna
Segoviako Naradeva Eskolan trebatua, Yoga irakasle jarduera Loiolaetxea Elkartean Gizarte Integratzaile bezala egiten duen la profesionalarekin bateratzen du.
Yoga Tailerra bideratzen du gure Elkartean boluntario gisa, Adierazpen Arloaren barruan.
Eva Lasa
Aholkularitza medikoaren eta osasun-prestakuntzaren arduraduna Osasun aholkularitzaren.
Medikuntzako doktorea eta Alergologiako mediku espezialista. Donostiako Unibertsitate Ospitaleko Haur Alergologiako Unitatean lan egiten du, eta OnDoaN topagunean boluntario gisa jarduten du, aholkularitza, aholku medikoa eta osasun-prestakuntza eskainiz "la Palmera de Débora" emakume migratuen topaketa-taldean.