Gure boluntarioei zuzendutako gutuna
Kaixo guztioi:
Batzuetan, inguruabar batzuek aukera ematen digute eguneroko bizitzan ustezkotzat jotzen ditugun gauzak hausnartzeko eta partekatzeko. Gaur, Abenduak 5, Boluntariotzaren Eguna, aukera horietako bat da niretzat.
OnDoaN Topagunea, hau elkartasun-korronte bat izan dadin dena ematen duten boluntarioen amets gisa hasten da, hurbiltzen denak bizitza atseginagoa, beroagoa eta duinagoa aurki dezan.
Gaur, asko dira, urte hauetako ibilbidearen ondoren, agertzen zaizkigun aurpegi, egoera, proposamen eta ametsak.
Hori ez litzateke posible izango hasierako apustuan sinetsi zutenak ez balira hor mantenduko eta pertsona berriak -ekimen honetan sinestuta- batuko ez balitzaizkie, proiektuari bihotza, kolorea eta beroa jartzen joango ez balira, espazio hau Gure espazio bihurtzeko.
Horietako bakoitzari esker, elkartasuna sortzen joan gaitezke, belaunaldiz belaunaldi transmitituz, pertsonen osasun integrala zaindu dezakegu, ibilbide desberdinak jarraitzera bultzatzen eta elkarrekin hain tarte onak igarotzera bultzatzen gaituzten erronka berriak ezarri ditzakegu aldiro.
Guztion artean lortu dezakegu hizkuntza, nazioa, kolorea arazo bat izan ordez aberastasun izan dadin, elkar ulertu nahi dugulako eta horretan saiatzen garelako. Eta barrura sar gaitezke, hausnartu, hazi. Déboraren ondoan, gure bizitza-ibilbidearen argiak eta itzalak partekatuz.
Gaur, munduari gure leihoak ireki nahi dizkiogu, denok berdinak garela erakutsi, eta elkarrekin hazi eta gauza onak sortu ditzakegula.
Abegi onean bizitzeak harrera-sare bat sortzen du, erreferenteak diren familietan islatzen dena, bai eta beste batzuekin lan egitean ere, ugaldu eta saretu ahal izateko.
Kanporantz ere badugu bozgorailu bat, kezkaturik gauzkan edo argitara ateratzea behar duten egoerei buruz sentsibilizatzeko edo haiek salatzeko. Hau guztia kontu eta samurtasun handienarekin adierazita, denok puntualtasunez jakin dezagun zer gertatu den, eta, telefonoz zein egoitzan bertan, arreta bikaina eskainiz, beti irribarrea ezpainetan.
Ez dut uste honek egun bateko ospakizun hutsa izan behar duenik. Hau, zuek bezalako pertsonen konpromezuaren fruitua da, egunez egun, eta askotan oso modu isilean, beste mundu bat, beste harreman batzuk posible direla jakitun, haiek sortzeko prest zaudetenon konpromezuaren fruitu, aldaketaren giltza gutariko bakoitzak dugula dakizuelako.
Hau besterik ez zait geratzen esateko, bihotzez: ESKERRIK ASKO, GRACIAS, SHUKRAN.
Arantza Odriozola