Kontemplazio Denbora - Kronika

Denbora eta lekua konpainia bikainean partekatzeko aukera izan dut, adin, jatorri, kultura eta ohitura ezberdinetako emakume talde txiki batekin, eta BERAIEKIN sentituz.

Biziki eskertzen ditut gonbidapena eta OnDoaN Topaguneak gaur arratsalderako antolatu duen "Kontanplazio-denborak" jarduerako urriko saioan partekatutako denbora.

Beraiek azaltzen duten bezala, eguneroko "lagun" dugun zarata isilarazten laguntzen digun saioa; begiesten, entzuten, aditzen, eskertzen...

Argi garaia izan da, isiltasun, gogoeta eta gutako bakoitzarekin topo egiteko garaia; isiltasun-, gogoeta- eta gutako bakoitzarekin topo egiteko tartea hartu ondoren, kandela txiki bat piztu, beti argitzen gaituen eta indarra ematen digun ARGIA den beste kandela handiaren bidez, hortik abiatuta gutako bakoitzak gehien behar dugun horretan, beldurretan, iluntasunean edo hainbeste behar duen persona horretan argia jar dezagun.

Kezkatzen gaituen horretan argia jartzeko eskatu dugu, baina eskaerak elkartu eta ELKARREKIN eskatu dugu, batzuek besteengatik, elkarrekin beti baikara gehiago eta hobeak.

"Izan zaitez nire argia, piztu ezazu nire gaua"

Eskertuta: OnDoaN Topaguneari aukeragatik, espazio eta denbora hori partekatu zuten EMAKUMEEI, horrenbeste unetan argia ematen didaten PERTSONEI.

Izan gaitezen ARGI-pertsonak, eta eraman dezagun ARGIA hainbeste gau eta iluntasunetara.

Maria Eugenia Iparragirre Bemposta