Tarteak Txangoak, Tontorrak - Kronika

Gaurko egunean, Uzturre mendira igo gara. Trenean elkartu gara Andoaingo geltokian, batzuk aspalditik zeuden igota eta beste batzuk duela gutxi. Trenak Herreran hartu ditu espedizioko lehen bidaiariak; Fanny, Ines, Moha, Iracema eta bi fitxaje berri: Jokin eta Claudia. Bigarren taldekoak Donostian hartu ditu trenak, Arantza, Pauli eta Usue. Eta azkeneko taldea Andoainen igo da, Sonia, Xabi, Laia, Jone eta ni.

Trenak Billabonara eraman gaitu, handik Loatzo mendi aldera igo gara, baina ez gara tontorrera igo. Eta pausoz pauso, Uzturre mendira hasi gara hurbiltzen. Pausoz pauso esan dudanean benetan ari naiz, ze gure Fannyk mina dauka belaunean eta errenka dabil, ea azkar sendatzen den, baina egia esaten badizuet oso ondo igo da.

Gaur etorri ez direnak faltan bota ditugu, baina badakigu etorri nahi izan dutela. Paulik bereziki Ayoub bota du faltan mendiko makila bezala huts egin dio eta, baina lana egin behar zuen, eta pena handiarekin geratu da, eta gu ere bai. Baina hortxe zegoen Moha Ayoub ordezkatzeko prest, eta txango guztia egon da laguntzen.

 Ziklistentzako prestatutako bide politak ikusi ditugu, salto egiteko ranpa eta guzti. Xabi, espedizioko arduradunak, oso ondo aukeratu du gaurko ibilbidea, eta eskerrak bera dugun arduradun bezala ze mendi asko ezagutzen ditu, Kilian Jornet izateko gutxi falta zaio.

Oso paisaia politak ikusi ditugu, landare mota asko eta animalia ugari: zaldiak, ardiak, igelak, ahuntzak, erlastarrak, behiak eta zezen izugarri handia. 

Ibilaldia oso guay egon da eta oso ondo pasa dugu denok, ni argazkiak ateratzen egon naiz Jokinekin eta oso politak atera ditugu.